طرق حمصية

الطريقة الحمصية لإخبار أهل الميت !!!

سامر* عسكري بالجيش ... أبوه مات
طلبوا من قائد سريته الحمصي أن يخبره بدبلوماسبة إنو أبوه مات

قائد السرية وقـّف بالنص و قال
اللي أبوه عايش يروح عاليمين
واللي أبوه ميت عالشمال
سامر وقف ع اليمين طبعا
لأنه ما عرف انه أبوه مات
قائد السريه : سامر .... عالشمال يا حمار عالشمال



* وحده جوزها مات بحادث
الشرطي اللي كشف على الحادث حمصي
وفكر بطريقه يخبرها بأسلوب حلو, فقال
انتي أرملة محمد ؟؟؟
قالتلو : لا
قال : تشارطي ؟؟


* وحدة ابنها مات
جوزها بدو يخبرها بطريقته
قلها ابنك امبارح عم يبصبص على بنت الجيران من الشباك
الام : الله يقصف عمره
الاب: ما هو قصفه وخلص

* وحدة توفى جوزها
أصدقاءه ما عم يعرفوا شلون بدون يخبروها
أجا واحد منهم حمصي قال
حملوه وتعالوا معي
وراح ع بيت الميت ودق الجرس
طلعت الزوجة قالها
جوزك شفتوا ماشي مع وحدة شقرا وصغيرة وحلوة
الزوجة يعدمني ياه... أن شاء الله يجيبوه محمّل
الحمصي لأصدقائه : هاتوه شباب